Festas gastronómicas en Galicia

Galicia conta con unha das máis ricas tradicións gastronómicas do país. Boa conta disto dan as innumerables festas adicadas aos produtos máis variopintos que salpican toda a xeografía principalmente nas épocas de primavera e verán. Pero si o que se pretende é descubrir os pratos máis destacados da cociña galega calquera fin de semana do ano é bo para degustar un bo caldo, a mellor empanada, a tortilla máis suculenta ou a fabada coa mellor materia prima, festas nas que os pratos son elaborados con aquel produto que destaca na zona.

Localidades das catro provincias repártense a celebración das festas adicadas aos productos do mar ou do río, principalmente pescados e exquisitos mariscos capturados nas rías, e cociñados tanto da maneira habitual como facendo gala da cociña máis innovadora e transgresora. Polbo, ameixas, ostras, vieiras, bogavantes, percebes ou peixe espada son algúns exemplos aos que se suma a sempre cobizada lamprea, un manxar para o sentido do gusto que desata as paixóns máis acaloradas dos mellores padais.

Pero tamén os produtos da horta teñen un lugar privilexiado, como a cebola, os pementos ou os tan afamados grelos, así como as froitas máis típicas do campo galaico como a mazá, a pera ou o exótico kiwi. E máis, xa que a carne en todas as súas posibilidades é xunto co marisco, a protagonista indiscutible con festas dedicadas ao lacón, ao churrasco, ao pincho moruno, ao cabrito, ao cordeiro ou á tenreira. Pero para un bo comer fai falta un bo beber e diso encárganse as festas do viño, ben sexa Albariño, Barrantes, Ribeira Sacra, Monterrei ou calquera outra denominación de orixe. Incluso a sobremesa está ben asegurada con postres e doces con festas como as da filloa, os melindres ou as chulas. E para rematar, que mellor que pasarse pola festa do café ou a da augardente.

Se ningunha de estas festas é do teu agrado, cousa un pouco complicada a xulgar pola cantidade e variedade dos seus produtos, sempre queda a alternativa de achegarse a outras onde o éxito está asegurado por ser produtos de consumo xeralizado, como a festa do leite, a do queixo, o aceite, os ovos ou o fan afamado pan galego.