Fisioterapia Vértebra en Zas

Vértebra Fisioterapia é un centro de fisioterapia situado en Baio, no concello de Zas, no que levamos a cabo cuidados efectivos para facilitar a súa recuperación física. O noso equipo está especializado en tratamento do chan pélvico, na fisioterapia pediátrica, na fisioterapia respiratoria, no pilates terapéutico, no exercicio preparto e posparto e na radiofrecuencia.

Equipo:

• Berta R. B. (nº de colexiada 2180): propietaria da clínica con titulación de fisioterapia e con coñecementos do tratamento da ATM, na técnica VNM e no tratamento visceral.
• Sabela M. P. (nº de colexiada 2227): especializada en fisioterapia deportiva, no tratamento da ATM, nas técnicas viscerais, na fisioterapia respiratoria pediátrica e no pilates. Actualmente está centrada na fisioterapia do chan pélvico e na obstetricia, aínda que tamén segue actualizándose noutros aspectos.
• Rocío M. F. (nº de colexiada 4203): está orientada cara á fisioterapia respiratoria e a drenaxe linfática manual.
  

• Técnica miofascial:
  Aplicación de presión nos tecidos para liberar tensións derivadas de dores crónicas e agudas.
• Drenaxe linfática manual:
  Estimulación do sistema linfático e eliminación de líquidos.
• Técnica visceral:
  Mellora da mobilidade e da función dos órganos internos para aliviar problemas dixestivos, respiratorios ou musculo-esqueléticos.
• Ecografía musculo-esquelética:
  Emprégase o ecógrafo para determinar o tratamento adecuado para cada paciente.
• Radiofrecuencia Capenergy:
  Tipo de corrente de alta frecuencia que estimula os tecidos para amentar a súa temperatura e así reactivar e acelerar os tempos de recuperación.
• Punción seca:
  Técnica semiinvasiva na que se empregan agullas de acupuntura en zonas nas que os músculos están contraídos.
• VNM (kinesiotaping):
  Empréganse vendaxes para estimular ou relaxar o músculo.
• Electroterapia:
  Emprego de correntes eléctricas para o tratamento de patoloxías e lesións.
• Clases de exercicio terapéutico preparto, posparto e pilates:
  Son clases grupais reducidas que se adaptan ao embarazo e ao posparto nas que se mellora a mobilidade, se aumenta a estabilidade e se recupera a postura e o chan pélvico.