Guardería Escola Infantil Paparolo, S.C. en Santiago de Compostela

A Escola Infantil Paparolo de Santiago de Compostela é un centro privado de educación infantil que leva funcionando como tal máis de 25 anos. Somos unha sociedade civil constituída por un grupo de profesionais do ámbito educativo, que no curso 2009/2010 comezaron unha nova andaina, continuación da que iniciara, en 1996, unha mestra do equipo.

O centro desenvolve o seu labor con nenos/as dende os 7 meses aos 3 anos e o seu persoal constitúeno mestres e mestras especialistas, psicopedagogos/as e diplomados/as en puericultura. Ofrecendo un proxecto educativo ben desenvolvido e unha ampla variedade de servizos.

O centro está situado nunha zona privilexiada, a escasos minutos a pé da catedral de Santiago de Compostela e rodeada de amplas zonas verdes como son a Alameda, o Campus Sur Universitario e os xardíns municipais da rúa Galeras. Atopámonos na rúa Campo do Gaio nº 10 Baixo, que en 2010 foi remodelada, dotándoa de infraestruturas que permiten un acceso cómodo á escola. Dispoñemos, ademais, dunha zona de aparcadoiro reservada para chegadas e recollidas do noso alumnado, cunha estancia máxima de 10 minutos.

HORARIO
O horario de funcionamento é de 07:45 a 20:00 horas todo o ano, excepto festivos, os días marcados polo centro e o mes de agosto, en que permanecerá pechado. Ademais, a escola dispoñerá dalgún día de horario especial, de 7:45 a 14:30 horas, que se comunicará ás familias antes do inicio de curso. ( la parte de horario cambiarla en todas las pestañas).

SERVIZO DE COMEDOR
A escola conta con servizo de comedor. As familias que desexen facer uso deste servizo deberán traer a comida preparada da casa e esta será quentada no centro e administrada aos nenos e nenas polo persoal do centro. As prazas para este servizo son limitadas, polo que as familias que fagan uso del deberán solicitalo canto antes e seguir as recomendacións do Servizo de Inspección da Consellería de Sanidade, que serán explicadas polo persoal da escola.

ACTIVIDADES COMPLEMENTARIAS
Ademais das actividades pedagóxicas levadas a cabo na escola, participamos en todas aquelas organizadas polo Concello de Santiago de Compostela e dirixidas aos máis pequenos/as: audicións, contacontos, visitas guiadas aos parques e xardíns da cidade, percorridos pola Alameda e casco histórico... Tamén organizamos actividades musicais guiadas por especialistas e exposicións de pintura e artes plásticas. Cada ano realizamos unha exposición dos traballos do alumnado con fins benéficos.

INFORMES PEDAGÓXICOS
Como mínimo dúas veces ao longo do curso, o centro convoca a todas as familias que así o desexen para comentar o informe pedagóxico dos/as nenos/as. Nestas reunións trátanse todos os aspectos relacionados co seu desenvolvemento, adaptación, relación cos demais nenos/as e cos/as mestres/as, dinámica nos talleres e cursos, consecución dos obxectivos pedagóxicos... Asemade trátanse todas as cuestións que poidan ser de interese para as familias. Ademais destas reunións, pódese concertar unha titoría cando así o desexen.

CURSOS
O centro adoita desenvolver un obradoiro de achegamento a linguas estranxeiras dende outubro a xuño. Tamen contamos cun cursiño de lingua inglesa durante todo o curso escolar, en colaboración coa Speak English Academy. Nos meses de xaneiro a maio lévase a cabo, como vén sendo habitual, o cursiño de natación nas instalacións do centro Awasan, en Silvouta. Para iso, contamos cunha empresa de autocares para o servizo de transporte. 

INSTALACIÓNS

• Pequena biblioteca
• Zona de usos múltiples
• Zona de cambio e descanso
• Zona de xogo simbólico
• Zona de psicomotricidade
• Cociña
• Baños
• Patio exterior
• Espazo destinado ás reunións coas familias
• Acceso a personas con discapacidade
• Zona de aparcadoiro temporal

Escola adscrita á axuda da Consellería de Política Social para o fomento da gratuidade da atención educativa para segundos/as fillos/as e sucesivos/as en escolas infantís 0-3.