Academia Hipatia en Oleiros

Hipatia é unha academia de estudos que ten o obxectivo de formar aos nosos alumnos e alumnas nas diversas ramas que impartimos. Centrámonos nas materias que compoñen o currículo do sistema educativo e na ensinanza de galego e español para novos falantes.

A academia conta con catro profesores especialistas en cada unha das ramas: primaria, letras, ciencias e idiomas. Desta forma, asegurámonos de que as nosas clases están dirixidas por un docente altamente capacitado para impartir cada unha das materias da súa área.

Pensamos que o ingrediente máis importante para a aprendizaxe é que os alumnos estean motivados. Por este motivo, unha das cousas que máis nos importa é crear nas nosas aulas un ambiente tranquilo e confortable para que os rapaces veñan a clase contentos e con ganas de traballar.

Estamos situados no centro de Santa Cruz, Oleiros (xusto diante do hotel Porto Cobo), nunha zona moi accesible e cómoda para chegar andando ou aparcar nas proximidades. Ademais, temos moi cerca diferentes paradas de autobús con liñas que unen os concellos de Sada, Oleiros e A Coruña.

En Hipatia temos dúas modalidades para impartir as nosas aulas. Por un lado, clases en grupos reducidos (máximo 5 alumnos) e, por outro, clases particulares, nas que o profesor traballa de forma individual con cada alumno.

As clases páganse mes a mes e non se cobra matrícula por inscrición. Os prezos varían dependendo da modalidade escollida e tamén contamos con descontos para familias.

Os servizos que ofrecemos son os seguintes:

• Apoio educativo para alumnos de Primaria, Secundaria e Bacharelato. Impartimos todas as materias dos colexios e institutos e dedicamos as aulas a explicar conceptos, resolver dúbidas, reforzar os contidos aprendidos, preparar os exames...
• Técnicas de estudo. Axudamos e orientamos diariamente aos nosos alumnos nas mellores prácticas para que o seu estudo renda ao máximo. Tamén organizamos cursos esporádicos de técnicas de estudo, redacción de traballos académicos, elaboración de comentarios de texto...
• Acceso a ciclos e universidade para adultos. Preparamos mediante clases particulares as probas de acceso a ciclos medios e superiores, así como a graos universitarios.
• Galego e español para novos falantes. Unha das cousas que nos diferencia é que contamos con profesores especialistas na ensinanza de galego e español para estranxeiros. Ademais, contamos con experiencia e bos resultados na preparación dos exames CELGA (Certificado de lingua galega) e DELE (Diploma de español como lengua extranjera). Preparación das probas para conseguir a nacionalidade española.

Se tes algunha dúbida ou queres máis información, contacta con nós!