Servizos fogar en Galicia

Santiago, Vigo e A Coruña son as cidades universitarias por excelencia en Galicia. Nelas residen milleiros de mozos, tanto da propia comunidade autónoma como doutras cidades de España. Unha das principais preocupacións dstos mozos son as tarefas do fogar e o mantemento do mobiliario e electrodomésticos. Para eles é unha ardua tarefa o lavar e pasar o ferro á roupa, así coma os desatascos dalgún cano en mal estado ou os desbroces dalgúns xardíns. Por esta razón, cada vez demandan máis os servizos de reparación, tinturaría, pasado do ferro e lavandarías, entre outros. Aínda que os servizos domésticos son os que máis utilizan os mozos, tamén hai un amplo número de familias que contratan canguros ou empresas de puericultura para o coidado dos seus fillos e precisan asistencia a domicilio porque conviven con anciáns. Outros servizos que poden ser de axuda teñen unha grande aceptación en Galicia e son cada vez máis utilizados, xa sexan os locutorios telefónicos, para a cantidade de inmigrantes que cada día se afincan na comunidade; as axencias matrimoniais, coa finalidade de encontrar parella; ou as empresas de cancelación de tarxetas, precisas polos descoidos, perdas e extravíos.