Estudo de Gravación Altea Estudios en Bergondo

Altea Estudios é un espazo de creatividade situado en Bergondo. As nosas composicións son espontáneas e auténticas e capturan a esencia da música en cada partitura. Levamos a cabo traballos de gravación, produción, mestura e arranxos. Ademais, o noso rider técnico é de alto nivel xa que conta con microfonía, pedais de efectos e dinámica e instrumentos como teclados ou acordeóns. Tamén realizamos a masterización do proxecto en calquera formato ou plataforma.

Gravación
Contamos cun estudio onde gravamos son, voz e música en varios formatos e estilos. Ademais, acompañámoste en todo o proceso de gravación para guiarte durante o seu transcurso.

• Gravación de voz: dispoñemos de micrófonos de alta calidade, que eliminan ruídos non desexados. Temos micrófonos de condensador e dinámicos para adaptarnos a todos os estilos e necesidades vocais. Tamén traballamos con técnicas avanzadas de procesamento vocal e prestamos asesoramento en canto a técnicas de gravación vocal.
• Gravación de son: traballamos con configuracións de micrófonos e técnicas de gravación diversas para conseguir un son envolvente e realista, ideal para podcasts, dobraxes e producións audiovisuais. Nós tamén nos encargamos da posprodución do son, para capturar os sons ambientais para películas, efectos especiais para videoxogos, gravacións de campo para documentais, etc.
• Gravación de música: realizamos tanto gravacións en vivo como producións multipista. Adaptámonos a cada xénero musical, empregando equipos e técnicas de gravación específicos.

Produción
Somos especialistas en produción musical de todos os estilos. Conseguimos resultados orixinais, empregando técnicas de produción tradicionais e modernas e creando producións musicais onde se fusionan estilos e texturas sonoras diferentes.

Arranxos
Creamos melodías orixinais ou tradicionais de dominio popular. Revisamos temas que xa existen para topar novas sonoridades. Encargámonos de traballos como:

• Creación e revisión de melodías: adaptamos a melodía e buscamos un estilo que se adecúe ao artista sen perder a esencia orixinal da canción.
• Harmonización e orquestración personalizadas: construímos unha estrutura harmónica que se integra coa emoción que a peza ten que transmitir. Tamén deseñamos orquestracións personalizadas que maximizan o impacto das composicións mediante cordas, percusión, metais, etc.
• Innovación e creatividade para outros proxectos: composición e adaptación de pezas para proxectos audiovisuais, teatrais e outras disciplinas artísticas.

Mistura
Levamos a cabo a mistura de proxectos que realizamos no noso estudo ou que se gravaran noutro sitio e xéneros musicais diferentes. Adaptamos os elementos para conseguir unha acústica afinada e profesional e resaltar as características únicas de cada canción.

Masterización
Proceso de masterización de proxectos musicais para a súa distribución en diferentes formatos e plataformas. Neste proceso, axústanse os detalles técnicos para garantir que o produto final sexa perfecto.

A nosa empresa optimiza a música para formatos e plataformas diversos como plataformas de streaming, discos físicos ou outros formatos dixitais e explora a capacidade da canción para que se acade o maior potencial.

Rider técnico
Dispoñemos de diferentes sistemas de gravación, equipo de monitoraxe, micrófonos, pedais de efectos e dinámica, instrumentos e plugins.